ف موضووع شاغل بالي / وما اخفي عليكم مضايقني ساعات نسمع بعض
الأشخاص لي قتله يا فلان متى ناوي تلتزم ؟ .. و لي متى بتظل على هالحال ؟
و إلا ليش ما تترك الأغاني ؟ .. يقولك والله الملتزمين معقّدين .... و آنا الصراحة
مو بايع نفسي عشان ألتزم ....
و إلا أحيانا ً , ... تلقى بعض الناس لي جبت طاري نشيدة و إلا محاضرة
أو برنامج ديني يكشّون عنّك ...... ! و يستنكرون هالأمور , .... ! ما فكّرنا مرّة ليش
الناس تفكّر بهالطريقة ؟! و ليش الناس ماخذه فكرة مو حلوة عن الدين ؟ .....
الجواب عندي , للأسف ! بسبّة بعض الملتزمين اللي يعطون فكرة سيئة عن الدين
إنّ أولا : كل شي حرام
ثانيا ً : كل شي ما يجوز
غير الأسلوب الحاد و الألفاظ ...... و التهجّم أحيانا ً ... إلى ماله نهاية
أنا بقول رايّ و ياليت تتقبّلون نماذجي ....
لمّا إييك داعية أو شيخ دين في برنامج على الهواء ..... ! يصرّخ و يحذف الأوراق و يحطّون الكاميرة على وجهه و أهوه حانق و معصّب ..... ! و نظرة حادّة كأنه يوجّه رسالة للمتابعين ... " ترى إحنا ما نحب المو ملتزمين " \ " ترى أنا بطقكم " .... آسفة يمكن تتضايقون ... ! لكن هالشي صج ! آنا لي شفته أحس كذا ! عيل شلون بعض الناس اللي - الله يهديهم - بعيدين عن طريج ربهم ؟؟ ...و إلا دعاة صوتهم عالي و نبرة حادّة في المحاضرة ....
و على أعصابه !! ... صح , كلّنا نعصّب و نطفر من بعض الأمور اللاأخلاقية اللي
تصير , ... لكن آنا لي عصّبت أعصّب من داخلي , ... بيني و بين نفسي
لكن لما أطلع قدام الناس و الحضور , ... أخفي إحساسي و أظهر الوجه البشوش و القسمات المريحة و النبرة الهادية ! اللي تكسب الناس للدين ,, .... و تحبّبهم فيه
آنا ما أقصد الدعاة بالأخص .... لكن بشكل عام ! كلّنا سفراء لهدّين .... و كل إنسان حط
دعوة الله قدّام عينه و هدف له ... ! لازم يعطي صورة جميلة , رائعة لدينه .....
و لو كنت فظا ً غليظ القلب لانفضوا من حولك "
ندش بأولا ً : كل شي حرام
لإنسان ترى لي كانت عليه فروض و حدود و قوانين ! بيزهق عيشته
الواحد يقول .. يه آنا شاللي حادني أصير ملتزم !!! دام كلشي حرام على قولتهم ,
و ما يعطون الواحد فرصة يستانس , و عسى مالواحد فرح ضيّقوا خلقه .......
إي يضيقون خلقه ... ! و ياما صارت و صارت , , حزّة المناسبات .... أبّـييييييه كل شي محرّم
يطلع ... ! و هالشي ملاحظته
أوكي يمكن كلام الشيخ في بعض الأمور صح ....
لكن طريقة توصيله للحكم كانت تجزم بشكل كلّي إنها حرام .... !
كان يقدر يحط بديل لبعض الأمور المحرّمة ... على الأقل يذكّرهم بالجنّة و الجزاء
و الأسلوب الطيّب ...... هني يقدر يقنعهم =\ !!
ترون إن بعض البنات لي جو يسبّون بعضهم يشبهونهم
بأحد الدعاة ... ! و هالشي عندنا بالمدرسة....
تعالي يا ...... " اسم أحد الدعاة المشهورين " ... !! هذي شغلة جديدة
طالعين فيها ... ! لو الشيخ قدر يكسبهم بالكلام الحلو كان ما تجرأوا و يابوا طاريه إلا بالخير ....
و البنت اللي تنسب تعصّب و تصرّخ و تقوم اتهاوش !!!! - و هالسالفة سببت فصل طالبتين
عندنا " و السبب ! والله ليش شبّهتني فيه ؟؟؟ ...
بعدين ..... آنا ملتزم \ ملتزمة
مو معانته أبهذل عمري و أتهيلق ! الناس ورب الكعبة ماخذين فكرة إن الملتزم
ما يكشخ !!! ما عنده ذوق باللبس .... إلخ
آنا تنبط كبدي ... من قلب تنبط كبدي لي صادفتني مواقف مع ناس ..... !!!
واللـه يا جماعة , الناس عبالهم الدين ممل رتيب .....
لدرجة إن حتى الأناشيد , .... ! عبالهم أناشيدنا حجريّة ...
إن شاء الله أكون قدرت أوصّل اللي في بالي , ... و إن شاء الله ما خان لي التعبير و الأسلوب و ما غلطت على أحّد ... و عطوني رايكم =) !!
الليل ينسى الباب مفتوحاً في أحلام البعض*
غادة السمان
ليش أصير ملتزمة ؟؟
العرض الشجري
المواضيع المتشابهه
