نشجع المواطن على الإدخار ....
مساؤكم عيد وبهجة وفرح
الحمد لله جانا العيد وبينتهي العيد وما نعلم بنعيد عيد غيره أو لا ؟!
الكل فينا استعد للعيد واشترى حاجات العيد
بس عاد لا تنسونا من العرسية والمشاكيك وبعد زين قطعة مشوي .
إخوتي ..
ما سألنا أنفسنا سؤال :
هل أهلنا و اصحابنا وجيراننا كلهم عيدوا وهم مرتاحين من مخاسير العيد ؟؟
المخاسير والمصاريف اللي ما لها أول ولا تالي ..
وطبعا ف العيد وغير العيد ..
اللي يقهر .
يطلع واحد من المسؤولين نافش ريشه ويقول :
نشجع المواطن على الإدخار !!!!
عليكم بالله هذا صاحي ؟؟
هذا ما عايش بالدنيا ؟
أي إدخار ؟؟ أي ..........
الفقير المسكين بو راتب 150 ريال وين يوديهن ؟
أوين إدخر لاقي ياكل عشان يدخر ؟؟
والا أقولكم ..
ما لازم يشتري سيارة ! يركب جحيش !
ما لازم يبني بيت يسده عريش والا كرين وف الصيف ياخذ ( مشبه ) !
ما لازم يتزوج أحسن له عزوبي !
وإذا سواها وتزوج مالازم يجيب أولاد تراهم صدعة راس !
وبعدين أولاده ما لازم كلهم يروحوا المدرسة ! مخاسير
وف البيت بعد ما لازم مكيف وانترنت !
الولد ما لازم يروح الحلاق والا يفصل دشداشة !
والبنت بعد ما لازم تلبس كسرتين ذهب !
ما لازم ياكل كل يوم عيش !
ترا الأسعار ف المحلات واااااااااايد رخيصة !!!!!!!!
بعدها ماشبت حريق !!!
ها جماعة .. بتدخروا ؟؟؟؟؟؟؟
والا مثلي نص الشهر : يا الله من مال الله
سامحوني ترا من غيض
|
العرض الشجري
