الوســـادهـ بين قوسين
الوســـادهـ بين قوسين
وماادراك ماالوسادهـ ..
الوساده هي اقرب الاشياء الى افكارنا واكثرها معرفه بأسرارنا ..
من منـا مااشتكي جروحه وهمه لوسادته ... اصلا حتى لو مانشتكي هي تسمعنا غصب عنا ..
لو كانت الوساده تتكلم وتعبرعن مايجول في خواطرنا كان انقلبت الدنيا كوارث ومصايب ..
الوساده اكثر من شاركنا فرحنا وهمنا واجمل اللحظات واتعسها بحياتنا ...
هل سال على وسادتك في يوم من الايام دمووع قهر ؟ دموع ندم ؟ دموع خوف ؟ دموع شوق
وهيام ؟ دموع حزن والام الفراق ؟
ليش الوساده فيها سر عجيب وجاذبيه للافكار غريبه ؟؟
ليش بس نحط روسنا على وساداتنا تبدا بك مشوار طويل من الافكار ؟؟
تروح عن واقعك شوي اما ذكريات حلوهـ أو مرهـ او احلام نتمنى تحققها ..,,
مره تفكر في اهم موقف صار لك خلال يومك ..
ومره تفكر في لحظه ندم طولت لسانك فيها على عزيز عليك ...
ومره تفكر في لحظه جرح صابك من حبيب او صديق عزيز ..
ومره تفكر في لحظه ندم ارتكبت فيها معصيه وقلبك مازال ينبض بالخوف من الرحمن ..
ومره تفكر بلحظه قهر واحساس يتبعه لذه الانتقام من شخص او اشخاص ..
ومراات وليست مره واحده تفكر في مستقبلك ومايحمله لك من غموض ومفاجآت ..
وكثيره اللحظات الي بس تحط راسك على الوساده يصيب دماغك غزو افكار ..
راح نعيش هالموضوع بالخيال حتى نغاير الرتم الي تعودنا علييه ؛؛؛؛؛
تخيلوا معي لو كانت الوساده تسحب افكارك وتبوح بها للشخص الي يحط راسه عليها من بعدك ؟؟
فضااااااااااااايح بتصيرر ههههه
او على الاقل تسحب افكارك وتبوح بها لوساده الشخص الي جنبك ومنها لمخه على طول <<
هذي طبعا للمتزوجين هههههه
طبعا بيقوم انواااااااااع التصفيق والترفيس
يعني تخيلوا وحده اكتشفت عن طريق وساده زوجها انه ناوي يتزوج عليها ..<< مصيبه خخخخ
او صديق يكتشف ان صديقه مايدانيه ويحش فيه عند باقي الشله في الاستراحه <<خخخخ
من جد بيصير انواع المشاكل لو هالجماد ينطق ...والصراحه يا زينه ساكت ....وياليت البشر
يسكتون مثله يمكن تقل المشاكل ونقل الكلام والنميمه ...وترتاح الناس شويه,,
تخيلوا لو كانت الوساده تحس وتعرف افكارنا ويكون لها رده فعل على هالافكار ؟؟
وش بيصيييييييييييييرر
اكيد بتلوع كبدها من ناس كثير و تتعب خخخخخخخخ
واكيد راح تحن وترحم ناس كثير بللوها بدموع قهرهم والامهم وشقا دنياهم حظ لهم
ويمكن تحب وتتمسك في ناس ..
ويمكن تفتخر في وجودها مع ناس ...
ويمكن تفتقد وتشتاق لناس ..
الوساده ياما سمعت انين ناس اتعبهم المرض ..
ياما تبللت بدموع ارامل او مظلومين او اطفال محرومين او يتامى << انا مايذبحني الا الاطفال
وياما ارتاحت من دموع التايبين والمتجهين لله ..
مدري هل اقول الحمد لله ان الوساده ماتبوح وتفضح ؟؟ ولا اتمنى انها تفضح وتشرح ؟؟
كم سؤال اتمنى مشاركه وجدانيه منكم ومحاوله الاجابه عليها :
متى شكيت لوسادتك عذابك وبللتها بالدمع ؟؟
متى حطيت راسك عليها وانت في قمه سعادتك ؟؟
كل واحد فيكم يتحمد ربه
:
:
تقولون ليش؟؟؟؟
لأن وسادتكم ماتتكلم وفوق هذا متحمله ..........
هالله هالله بوساداتكم
|
العرض المتطور
