المدارس الخاصة ^_^
طلاب مسقط وكيف تعرف من اي مدرسه خاصه
مدرسه القرم الخاصه:
اووووه عاد العالميه مول مب مدرسه.. عجر مسقط (سوالف) كلهم في هالمدرسه
لووول....واتحصله بو الشباب ياي المدرسه من الساعه 6 الصبح عنبوو حارس
مب طالب مستعيل على رزقه الاخ ...لااااا ومرات على كيييفه يداوم الساعه
12 ولا 11 واتقول ياي مسقط مول هب مدرسه.... واتشوفه مرصص هالعيون على باب البنات (اتقول رادار) صدق مب شايفين خير و....طبعا واول ما يوصل المدرسه ما يروح صفه هذا لانه ما يدله اصلا.. يروح عند المدير ولا الوكيله وايتقهوى ويدق سوالف اتقول قاعد مع واحد من خويه لا ويوم يخلص ياخذ لفه على قسم البنات (مستوي مشرفة البنات لوول) ... وهذا طبعا حالهم كل يوم .... وايام الامتحااااااااانات اوووه معيدين الشباب ايام الامتحانات....طبعا اذا دخلوه قاعة الامتحان يكتبون اسمهم ويكتبون اغنيه على كل سطر في الورقه....ثقافتهم واسعه ما شاء الله عيني عليهم بارده....وعقب حوااااااااطه فالمدرسه الاخ يتمشى عالكرنيش... وهاذيلا ما عندهم سالفه غير الضرابه اي ضرابه تستوي ولا
اي واحد من ربعه يستويبه شي على طول ماشي كلام ضرب ودم وسيوف يتحرون اعمارهم في حرب
مدرسه تبارك الخاصه:
(الغش هو طريق النجاح وبدونه يخرب عليك الصباح ) هاي قاعدة الحياه عندهم...وطبعا اصغر واحد فيهم عمره 30 احليلهم عمروو فالمدرسه عايبتنهم القعده لووول ولانه المدارس الثانيه عيزت وهي تنجحهم واخر شي راغتهم وما لقوا غير الصنوبر .....لا تعال وشووف سياايييرهم الي ضارب عاكس والي رقمه ثلاثي الي يشووف السياره ايقوول اكيييد الي فيها مزيوون ما يدري انه احلا واحد فيهم يشبه خالد الملا لوول واقصر واحد فيهم طوله مترين... تهريب الاكل عندهم شي اساسي ومهم جدا لول... انا احيد الناس اتهرب مخدرات حشيش لا هذيلا اكل عنبووو مجاعه لا بس في منهم الي يدوخون وهذا النوع تحصله كله نايم في الصف ما يدري وين الله حاطنه و في الفسحه يروح مع ربعه ياخذون شفطتين في الساحه الي ورا المبنا داخل الاشجار و يرجع الصف يكمل نومته.... وطبعا ما عندهم شغله غير اليواله و يواله ثم يواله يعني وين ما يروحون وين ما ايون راقدين
تعبانين انت بس شغل اغنيه ام كلثوم وسلاااااامــــــــي عاليويله .. واذا اي حد فيكم يبا فرقه حربيه فلا بد من فرقه الصنوبر الحربيه بس هاه ما وصيكم انا ما يخصني اذا كسروو روسكم لول.... وطبعا حالهم حال طلاب ييرانهم العالميه ...ترا يقولون من عاشر قوما اربعين يوما صار منهم
مدرسة عمان الخاصه:
وما ادراك ماال عمان....سلامي على طلابهم احليييييييلهم دور البرائه امره راكب عليهم بريئييين سجاجييين قصدي مساكين...ينفعون حق الافلام الهنديه.. لا لا ما يرقمووون منو قال لوووول(من برع هالله هالله ومن داخل يعلم الله)...لا اونهم عاد ما يسوون هالحركات محترمين عسب يطيحون البنات ومناك اكبر طاف مسكين حالهم تعبهم راح عالفاضي لول.... ولولا المديره جان ظهر اليور والمنكر وطبعا نقطت ضعفهم المديره...واكبر واحد فيهم طوله نص متر ...وما عندهم سالفه غير يخيسون باصات المدرسه بالبيض ويكسروون جرس الانذار وايد عليهم.... واتشوف الولد اللي طول ماهو ماشي محتضن دفاتره وكتبه تقول هذا يحضر ماجستير وطبعا هذيلا هب المواطنين لانه عدد المواطنين الي فيها 2 ونص وهال نص مشكووك في امره ...ومن يدق جرس البريييك على طوول اتشوفهم عند غرفة المدرسات الي في قسم البنات اونهم عااااد مثقفين عندهم سؤال لول ... وطبعا ما خلو طاوله ولا يدار الا وكتبو ارقامهم بالغلط كتبو على طاولة المديره .. وبعضهم ايون المدرسة ما عندهم سالفه غير الطنازه على كل من يشوفه و خاصة الاستاذ ما يقول الاستاذ كلمة الا و اطنز عليه مثال:طالب كان قاعد يرقص في الصف يقول له الاستاذ شو فيك؟ يقول : انا اخوي مايكل جاكسون نحن خوان في الرضاعه)) يحاول يخف دمه و ما يخلي حد من الطلاب الا واطنز على شكله وهو شكله اخس منه...لا وايام الامتحانات الاخ داخل قاعة الامتحان وهو مبحلق هالعيون عالبنات نو وي يصد اي صوب ثاني اتقول ظاهرتله اعصبه في رقبته وطبعا ما يحل شي الاخ... ويظهر من الامتحان وهو شاق هالحلج من الفرحه على باله بينجح فالامتحان
مدرسة الهدى الخاصه:
اوووه عاد الهدى ... طبعا عصباح الله خيرتلاقي الواحد ماشي وفاج
هالحلج ليش ما ادري الظاهر انه يستمد طاقته من استنشاق الهوا أو يمكن
له مأرب اخر لا أعرفه..لا وبعضهم اييك من صباح الله خير وريحته زقاره (مصنع دخان متحرك) تلقاه مخلص باكيت كامل قبل لا يدخل الصف وتشم ريحته من بعد 10 ميل وطبعا ايداوم غصبا عنه كل هذا في سبيل المغازل(اخ لولا البنات جان محد داوم ).... الموقع الاستراتيجي للدراسه فوق السطح لول طبعا الانه اكثر الصفوف محتلينها الروضه وصف اول...لا واكبر واحد فيهم عمره 14بس الي يشوفه يقول ولي امر طالب هب طاالب وطبعا ما تحلالهم الدوخه الا فالصف لا والقهر السقاره اكبر عنه... وحالهم حال المدارس الثانيه .. بس تعال شوفهم فالمول ولا برا المدرسه مربي هالكشه وطاوي الغتره وراصنها علي راسه يلين يتناطرن ذنيه (دامبو)...
مدرسة أحمد بن ماجد الخاصه:
اسميها هالمدرسه تنقع من الضحك وبالذات طلابها ياي المدرسه ورافعه هالخشم وعلى شو ما ادري...تحصلها مسويه تقشيرحق ويها وبدكير ومناكير اونها عاد كول...لا والمشيه اتقول مشية عارضة ازياء (مس ليبانون)...ولا وفي بعض الطلاب يعني اللي يرقص في مشيته ما ادري سبحان الله ربي عطاه الهز الطبيعي من دون ادنى ضرب على الطاوله يقوم يرقص على باله الحفله بدت لول ...لاو الشعر (اتقول مخمه تمشي بالمجلوب) كل يوم تسريحه اتقول منقعين شلق في شعره لااا انتو شو دراكم هاي الموضه لووول بس الله يخلي الجل مخلص كرتون جل هذ اذا ما كان دهان تاتا
ملاحظه هامه : -
السموحة اذا غلطت على مدرسة حد ...
شكرا لكِ الغرام العذب ع التوقيع  |
|
العرض المتطور
المواضيع المتشابهه
