أبجدية عسكرية
الرحيل الساحر
هيثم المسلمي
هذا يوم تجمعت فيه الحروف الأبجدية
وغنت الذكرى تعلم فن أشعاري الخطابة
صرخة ن بلسان شاعر نبض روحه العسكرية
تسري من بين الصفوف مسلحة بعز ومهابة
هزت الساحة لواها حامل ن فخر وحمية
وارتفع فيها علم بدأ يشمخ في حضرة جنابه
جاوبتها جيوش عز ن في زندها المدفعية
لبست للمجد لون و صار يعتز في ثيابه
وراحت الصرخة بتلقي ع النسور أوفى تحية
والنسر لي غاب تنشد هالطبايق عن غيابه
وانتهت وسط السفين على الصواري السرمدية
تثبت أن البحر ما غير العماني في عبابه
هالصدور مدرعة بوسط الخفايا الداخلية
والنوايا صامدة لا ما تحيد عنها الصلابة
رجال قابوس لوطنا حاملين أسمى قضية
همنا هم الوطن وفزعته في أحلك مصابه
إن بغينا نكون سهم ٍ في العيون المعتدية
ساعة الشدة ذياب ن غير عن كل هالذيابة
فخرنا جندي صامد مابخل روحه الفدية
جرد صدور الأعادي بخنجر يعاند جرابه
قال ام 16 أو حزمة ستاير أو شظية
ونقول هذا سلاحه جندي حين اعتزا به
قال اف 16 أو طائرة مسوده شاحبية
ونقول من همته طاير تعلى فلا غرابة
قال انه قاهر ن للموج وأعتابه العتية
ونقول هذا شموخ ن بوسط بحره اعتلا به
سيدي السلطان يا فخر الشهامة الأولية
علمتنا ساعة ن لاح النصر بنمشي في ركابه
علمتنا ويش الفرق بين السلام والعنجهية
وكيف أن لكل شيء ن في الحرب له نصابه
أبجــــــــــــــــــدية عســــــــــــــــــكرية
العرض العادي
