السلام عليكم
اولا قبل ما ابدا ساعطيكم شاهد او دليل للذي ساتكلم عنه ..@
المكان : الاستيديو
الوقت : الرابعة عصراً
شخصيات المسرحية : المنشد الكبير ابراهيم السعيد , والقدير أحمد الهاجري
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
السعيد : يلا يا الهاجري خلنا نبدى التسجيل ..
الهاجري :
إن شاء الله يا السعيد , بس والله أني حاط يدي على قلبي طول ما أنا أفكر في ها النشيدة , تتوقع توصل رسالتنا للناس ؟
السعيد :
إن شاء الله والله أنا كل يوم أدعي أننا نقدر نوصلها صج أحوال الشباب مضايقتني ها الأيام ..
الهاجري : يارب أهدي الناس على أيدينا وارزقنا الأخلاص .. يالله خلونا نبدى ..
بعد التسجيل ..
الهاجري : السعيد أمشي وياي .. نمر على مطعم نشرب لنا عصير ولا شي ..
السعيد : يالله مشينا ..
في السيارة ..
الهاجري : ابراهيم ..شفيك ساكت ؟ عسى ما شر ؟؟
السعيد : آآآه .. شااقوول !! والله ضايق خلقي على بنات ها الأيام .. الحين أحنا قاعدين نبذل قصار جهدنا عشان نوصل رسالة الحق لهم , ما ننام الليل من كثر ما أحنا نفكر شلون نقدر نعالج مشاكل ها الأمة , وبعدين يوم نوصل لنشيدة نحس أنها صج بتأثر فيهم , نلاقي ردة فعلهم شنو ..؟؟ أحب ها المنشد !!!
الهاجري : والله أنك لمست الجرح يا السعيد .. صج بعد ها الشي معور قلبي حييل , أنا مادري أهم مفكرين أننا نفرح يوم توصل لنا رسايل أعجاب ولا يوم نقرا مشاعرهم لنا !! هاي بالعكس يحطمنا !!
السعيد : تذكر أيام ما كنت أشتغل على أشرقي ؟ والله كنت أيامها شنو سعيــــــــــــــــد
لأني حسيت أني بوصل رسالة لبناتنا .. ما أنكر ,الحمد لله نتايج النشيدة كانت جداً كبيرة وأثرت في ناس وايد ,بس تخيل .. النشيدة كانت عن الحجاب وعن أخلاق البنت , وفجأة تلاقي وحدة سمعت النشيدة وكردة فعل تدز لي رسالة اعجاب ! تحس ها البنت ماوصل لها شي !! مااادري ها البنات شلوون يفكروون ! أنا والله مرات أصيح من ها المواقف , تجيني حالات أحباط ,
الهاجري : لا لا تقول جذي , إن شاء الله الله بيهديهم , بيعقلون في يوم من الأيام ..
السعيد : الله يسمع منك ! ياارب يعقلون .!!
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
.....
وأحنا بعد نقول ..
يارب يعقلون ..!!
نقولها كلما شفنا نك نيم حب لأحد المنشدين ..
وكلما شفنا موضوع كامل بتبطل بس عشان تجميع صور ولا عن مشاعر لهم ..
في الحقيقة هدفنا من ها الموضوع مو بس التنبيه فقط عن الإعجاب .. بس نبي ننبه عن منو الشخص المعجبين فيه ..!
شخص مسخر روحه عشان يساعد الناس ويبعدهم عن الطريج الغلط , شخص عفيف وسيده ماله بسوالف الحب والغزل , شلون وحدة تتجرأ تتعرض لمثل ها الشخص !! ها الوحدة ما تفكر شلون بتكون ردة فعل المنشد إذا قرا موضوعها أو تعليقها?? ! ما تفكر أنه راح يضايق وبيعصب !! ما تفكر أنه يمكن يصيبه إحباط !
النشيد وسيلة لنشر الخير , أرجــوكم ركزوا على أخذ الفائدة وتعوذوا من أبليس من الأفكار السيئة وحاولوا تكونون شخصيات مستقيمة حياءها عالي, وتوزن كل كلمة تقولها أو تكتبها ..
ندعي لكم ولنا دائماً بالهداية , والله يثبتنا وياكم على الطريق المستقيم ..
,,
انا معجبة ..!!
العرض الشجري
