لا زمان ولا مكان ..
بسم الله الرحمن الرحيم
أخوتي اقدم لكم هذي القصيده لشاعر جزاء البقمي التي لفتت نظري فأاحببت ان أشاركم بها امل ان تحوز على رضاكم
حرفنـة فكـر ومشاعـر .. زان فيهـاا اللـيـل زان
جتنـي اجمـوع المعانـي فـي محلـي بـالآلـوف
كان ودك تعرف اللـي صـار فـي وسـط المحـان
( عطني اذنك ) .. واستمع قول المعانـي والحـروف
يا فـلان .. الهـم خيّـم فـي فـؤادي .. يـا فـلان
وشن غاراته علـيّ .. وجيشـه يسـل السيـوف !!!
ما قضى دينه .. يا كيـف الدايـن يصيـر المـدان !
والحمـول الجايـره مـا زمّهـا فـوق الكتـوف !!
مـال حظـي فـي زمـانـي ويــن بالله اتــزان
ويـن بالله اتـزان الحـظ .. والدنـيـااا تـلـوف !!
لاصبح الثعلب ( يجر الذيب ) و ( يجـر الحصـان )
( لا على الدنيا ملام ) و ( ولا على الدنيا حسوف ) !!
منـة الوقـت الغبيـه زادت الصـابـر هــوان !!
واستـوى فـي نظرتـه اقبـال وقتـه والنكـوف !!
تصفيـه لحسـاب شيـن الوقـت والمكتـوب حـان
دفتر الصادر بوارد ( مـل مـن صـك الرفـوف )!!
هات ما عنـدك وانـا يـا وقـت باجيـب الضمـان
( ماخـذ الميثـاق منّـه مـا تفرقنـا الظـروف ) !!
( حـط معدالـك .. وانـا بحـط معدالـي رهـان )
( واثق ٍ بالقول مره مـا علـى الواثـق حلـوف )!!
( لو يصير ..المستحيل .. الكايد .. العسر .. الجنان )
( لو تجيه الخلق تمشي في صفوف وفـي صفـوف )
( لو يطيـح المرتفـع ويصيـر فـي واد الطمـان )
( لو يضيع الطيب .. ويعيش المـلا دون امعـروف )
( لو يدور الكون .. وتصيـر العشـر عنـده ثمـان )
باقي ٍ حبي بقلبه .. ( مثل شوك بوسـط صـوف ) !!
مستحيـل يهـون عنـده حـب خلـه مــا يـهـان
ومستحيل يهد حـب العـز ظـرف ٍ مـا يـروف !!
انقشـع زيـف الظـلام وبـان فيـه الـحـق بــان
( وافترش حبه عروقي .. وازهر القلب الشغوف ) !!
استمديـت الحنـان ومـنـه يــا زيــن الحـنـان
( اسمه بقلبي مسجّل ) .. باقي الخلـق امخـذوف !!!
مـا ذبحنـي غيـر قولـه لا تكلّـم ( وش كـمـان )
ولا تلخبط فـي كلامـه ( لا تفوتـك ) لا تطـوف !!
تــل قلـبـي مبسـمـه لا لاح بــرّاق الثـمـان
وانتثـر شـلال ليـل ٍ حـوّل يـدك الــردوف !!!
لو تجي عينـه بعينـي ( صـارت الساعـه ثـوان )
ولو تجي يدّه بيـدّي ( مـا بقـى شـي ٍ كلـوف ) !!
( حبي بقلبـه .. كثـر مـا يلجـم الخيـل العنـان )
( وحبه بقلبي .. كثر مـا فـاز بالعليـا قـروف * )
إنكسـر مجدافـي اللـي كنـت اجـدف بـه زمـان
وصار قطعه في يدي .. والثانيه راحـت عيـوف !!
( يشتكي قل التعامـل شعـر مـا قالـه لسـان ) !!
( ويشتكي بيض الورق نزف المحابر والكفـوف ) !!
( ما جهل جور المخاوف غير من عـاش بامـان ) !!
( وما عرف قيمة امان الروح شخص ٍ فيه خوف ) !!
( مثلمـا قـال المثـل فـي سالـف ايــام الاوان )
( سوف يظهر ما خفا دهـرك ) !! ولكـن لا تعـوف
الزمـن عكـس الزمـن بـس المكـان اردى مكـان
والسـواده هـي سـواده مــا تقارنـهـا بـمـوف
ما رفعـت الصـوت يـا عينـي ويـا ليلـي لا دان
ما رفعت الصوت رايق .. ( آه يا آهي و اووف ) !!
أن حصـل شوفـة حبيبـي سيّـد البيـض الحسـان
طاب فال المهتـوي والليـل عينـه مـا تشـوف !!!
|
العرض الشجري
