حزن السوالف
يعيش بداخلي حزن السوالف والجروح أعشاب
وينبت في وسط صدري وجع يطعن سكاكينــي
أحبك لا غدت كل المسافــــــــة والسنين غياب
وتجرحني عناوينك اذا ما جت تنادينــــــــــــي
تبعت الليل بعيونك نقشته بك دمـــــــــع وكتاب
وأثاري الليل يجرحني ويتمادى ويسقينـــــــــي
حبيبـــــــــــــــي للألم قصة حبيبي للألم أسباب
حبيبي للألم موعد على دربك يمشينـــــــــــــي
أنــــــــا لـــــــو أبتعد عنك أجيك بلهفة الاحباب
ترى حزنك أهو حزني وكل ما فيك يعنينـــــــي
أجامل ناس ما بينهم وأصـــــــــير بعينهم كذاب
وأكون بدن تايه مضيع كل عناوينــــــــــــــــي
سكنتيني غصب عني زرعتينـــي بالحشا أنياب
ملكتيني طفل ضايع على سورك وعفتينــــــــي
أنــــا المذبوح في طينك ويمنعني عليك حجاب
أنا الشامخ أنا الغانم لو انك يوم زرتينــــــــــي
أنا حزن الزمان اللي أبد مـــــا يوم عني غاب
وأنا ألوان المسا يا بعد عمري ويا دفا عينــــي
جفيتينـــــي نثرتينـــي تركتينــــي بوسط الغاب
رميتينـــي بزلاتك رسمتينــــي اسوأ سنينــــــي
وبمر دروبك الليلة بسايرهــــــــــــا لحد الباب
وبجمع لك معاناتـــي وبحملها على يدينــــــــي
يجيك بلهفة احساسي يوصــــــل لك ألم وعتاب
تعالي واذبحي همي وعلى يدينك سكاكينـــــــي
|
هلا باللي سطر من لوووعته فوق القلوب سطوور تبووووووح بنبض وجدانه لا غابت عباراتي على صفحات المنتدى ينثر حروفه في دُجى الديجوور ينادي يا بعد ناسي أبي (حصن عمان) تكثر إبداعاتي (مـنــ"حصن عمان" ـــتديـــــ"إبداع بلا حدود"ــــــات) |
التعديل الأخير تم بواسطة عاشق التزويد ; 17-04-2006 الساعة 03:30 PM.
|
العرض الشجري
