بما إنه أنا مصور فالجريدة ، وطبعاً يطلبوا منا نصور
فالمناسبات ، مثلاً إفتتاح معرض أو مركز أو مهرجان ،
المهم ،
موضوووعي هوه بأنه أنا لما أروح أصور هذي الإحتفاليات ،
طبعاً فيه نساء في هذاك المكان ، فأنا لما أجي وأصور ،
تحصلي نص النساء اللي هناك يجووا ويسوولي سالفه ،
ووالله في بعض الأحيان أحصل كلاام يجرحني ،،
يعني أبي أعرف لييييش ؟؟؟
لوو صورتها طلعت فالجريدة شووو يعني ؟؟
بتنفضح يعني ؟؟ ولا اي وحده تتطلع صورتها فالجريدة
خلااااص تعتبر ضاااااايعه ؟؟؟
ياخي إذا إنتي ما تبي أحد يصورك ، ليش جايه الإفتتاح من الأساس أصلاً ؟؟
جعدي فالبيت أحسن ،،
يعني هذا الشيء معروف في يوم الإفتتاح ، أكيد فيه أعلام
وفيه تصوير للجرائد ، وإذا هيه ما تبي صورتها تتطلع فالجريده ،
أحسن لها عجب تجعد فالبيت وما تطلع ، عشاان محد يشوووفها ،
يعني هيه ألحين يووم طالعه من البيت وجايه مكاان المناااسبه ،
محد شافها ، ؟؟
أوكي ،،
قلت قبل عن أصور أي بنت أو حرمه بروح أستأذن منها ،
لكن معرض طوول وعرض ولا وحده وافقت بأنه أصورها ،
وانا ما باغي شكلها ، والله العظيم أقولهن بس عطوني
ظهركن ، بعدهن ما يرضن ، ونصهن متغشياااات ، وبعدهن
ما يرضن ، حشـــــــــــــــا ، كذاااااك تتطوع عااااد ، !!
يعني شوو ذنبي ؟؟؟
هل أرجع المؤسسة وأنا صوري كلها تمثيل ،، ؟؟
أو أرجع وأنا مصور المحلات بدووون زبائن ،، ؟؟
أو أرجع وصوري كلها عنصر رجالي ؟؟
وين الإنفتاح ووين التطور ؟؟
ليش العنصر النسائي يرفض التصوير ,, ؟؟
والصور اللي أصورهن فالحفظ والصون ,,
والمؤسسة مسؤولة عن أي صورة تنتشر أو شيء ثاني ،،
فليش كل هالتهرب ،، ؟؟ !!
طبيعة عملي تحكم بأني أصور صورة أصلية موو تمثيلية ،،
يعني أروح أترجاهم إني أصورهم وأقولهم سووا كذا وكذا ،،
لا ، نحن نريد صورة حية ، صورة فيها أكشن ،، وطبيعية ،،
يعني قبل أسبوع أو إسبوعين تم إفتتاح معرض الأقمشة ،
ورحنا عشان نغطي الإفتتاح , وطبعاً لازم أصور الزبائن ,
والمحلات والمعرض وأوضاعة ، لأنه هذا طلب أصحاب
المعرض ، ووالله العظيم حرمة وحده قشرتني وجرحتني بكلامها ،
وموو مصورنها من قريب ، بس مصور ظهرها , وعااد ما قشاار
قشرتني قدام الناس , لكن حبي لعملي ، خلاني ما أيأس ، إستمريت أصور
وأصور ، وعااد الحرمه الثانية ما قصرت ، بدوون كلااام ، على طول
راحت الشرطة ، يعني بالله عليش يا حرمة ، يعني نحن بنجي كذا بدون
أي تصريح وبنصور مثل الهووووش ؟؟؟
/
/
وش أقول ,, ؟؟؟
تخلف ؟؟
أو حذر ؟؟
أو حفاظ على التقاليد ؟؟
أو خوووف ؟؟
أو جهل ؟؟
إحترت ويااااااااااااااااااكم يا جنس حواااااااااااااااااااااااااااااااااااااااااااااااا ااء ..
أبغا نقاااااااشكم وآرآكم وحلووولكم ،،
عشاان تساعدوني في حل هذه المشكلة ،،
إلى متى الهرب من كاميرا الإعلام يا جنس حواااء ؟؟؟
العرض الشجري
المواضيع المتشابهه
