راح احكيلكم قصة قصيرة

عن اب وام عندهم اولاد بالمدارس

الاب الصباح يروح الدوام ومايرجع الا عالخمسة العصر
والام بالمدرسة وترجع عالثلاث الظهر

والاولاد ........... طبعا يداومو المدرسة

ولكن خلونا نشوف التفاصيل

الصباح الاب والام يتجهزوا ويروحوا الدوام بسرعة علشان ما يتاخروا


والاولاد وين ؟؟؟ بعد يتجهزوا بس من يجهزهم ؟؟



ومن غيرها الشغالة

من يعطيهم وجبة الفطور ؟؟ الشغالة


طيب الغدا ولما يرجعوا من المدرسة


اول ما يرجعوا الاولاد من المدرسة تستقبلهم الشغالة اكيد من غيرها

ماعليه الام والاب بعدهم ما واصلين

لما يوصلوا الام والاب

الاولاد وين ؟؟؟

جالسين يلعبوا

طيب الام والاب جايين تعبانين ويريدوا يرتاحوا

ماعليه موجودة الشغالة بتكون معاهم


المغرب جلسة الاهل مثل ما يقولوا

الام جالسة تشتغل علشان المدرسة

والاب من مشوار لمشوار بالسيارة

والاولاد وين يلعبوا والا يحلوا واجباتهم مع الشغالة


الشغالة جهزت العشا
يالله ياماما ويابابا نريد نتعشى

روحوا عند الشغالة تعشيكم
وتعشيهم الشغالة

بعد ما تتعشوا ناموا

وهذي السلسلة اليومية

ويضيع الاولاد مع الشغالة

والام والاب ولا دارين باولادهم


هنا اطرح عليكم بعض الاسئلة لكل ام واب
او لكل من سيصبح مستقبلا اما او ابا

بالتاكيد الاخوان والاخوات بعد

هل اشغالكم واعمالكم اهم من اولادكم؟؟

كم عدد الساعات التي تقضونها مع ابنائكم فاليوم؟؟


كم مرة يناديك ابنك وما ترد عليه؟؟؟

كيف راح يشعر الطفل بالجو الاسري اذا كان طول وقته بعيد عنهم
صح موجود بينهم بس وجوده كعدمه

كنا نسمع ان الام والاب يسهروا على راحة ابنائهم ويطمنوا عليهم وهم نايمين

صار الام والاب يسهروا على اشغالهم ونسوا ابنائهم

صحيح توجد امور متعلقة بالعمل ولابد من تاديتها
ولكن هناك من هم اهم من العمل

فلذة اكبادنا ضاعوا بيننا