على زقزقة العصافير وخرير المياه وهمسات الهوا العليل ( ما شي منه كله صوت قرير وسنانير ومسيهرو ) وفي كل صباح تنهض ليلوه ( ليلى) أم عقوص نشيطه متجهة الى المسبح وتخبش وجهها وتروح المطبخ عشان تزهب الريوق ,,
وبعدين شلت كم روتي وجوال عماني وراحت عند جدتها عويشه ,, وهيه فالطريق شافها العوس ابو عين منشقه وكان جالس يلايع الارانب ساعتها ,, وعرف على طول انها رايحها عند جدتها ,, وفجأه ولاول مره هالعوس البغام شغل عقله وسوا خطه جهنميه ,, وقرر انه ينتحل شخصية الجده طبعا بعد ما ياكلها ولما تجي البنت بيت جدتها اياكلها هي بعد وايسقع عصفورين بحجر واحد ,,
وعلى طول شغل العوس التوربو والنوس والنيترو وعلى سحبية 300 كم/ث قاصر شويه وفــ 10000 جزء من الثانيه وصل وين ما يبا ,,
دق الجرس ,, ما حد رد عليه ,, وجلس يدق يدق لين ما اخترب الجرس ويسمع هذيك الزقره بسسسسسسسسس جعلك السمخ تراني ما صما اسمع ( معصبه خسران فريق عمان خخ )
الجده : من هناك العوس (بصوته الدفش بس معدلنه شويه ) : هذا انا حبوووه بنت ولدك الحبوووبه الجده : موه بنت ولدك وصوتك كنه مكينه شاحنه خرباانه العوس : حلقي يعورني حبوووه مريضه انا وحالتي حاله خليني ادخل عن امرض زياده من ذا البرد,,
وعلى طووول فتحت الجده الباب وانصدمت يوم شافت هذاك الشكل مال العووس ,, ولما بغت تشرد هجم عليها العوس وكلها بلقمة وحده ( حشا عاد ما فم عليه ) ,, وبسرعه راح كبت العجوز وجلس يدور ثياب عشان يتنكر كماها ولما تجي ليلووه ايضحك عليها وايوكلها هي بعد ,,,
وصلت ليلى الى البيت ولكنها لما دقت الجرس حصلته خربان من هين جالس يفرصه هذاك العوس الدفش ,, ودقت الباب ورد عليها العوس المتنكر ,, دخلي بنتي دخلي ,,
وعصب العوس من كثر الاسئله وما قدر يستحمل وفجأه اراد الانقضاض على ليلووه ولكنه طاح تحت الكرفايه من الكرش العوده اللي فيه وما قدر يتحرك واغمى عليه ,,
هنا راحت ليلى وجابت مقص وقصت كرش العوس خرجت جدتها من بطن الثعلب بعدين راحت وجابت كم طابوقه وحطتهن داخل بطن العوس وخاطت بطنه ,, وصحى العوس لكنه حصل عمره فجدار الطوي ( البئر) ويوم بغى ينزل طاح وغرق ,,
وبعدين عاش الجميع بسعاده وراحت ليلى تسوي شقشوقه حال جدتها ,,
وبس
لست كما يقولون ..
بل هناک من يحبنے .. يرسمنے بأجمل الصور
وهناک من يكرهنے .. يرسمنے بأبشع الصور
فلكل منهم فرشاة للرسم ويرسمنے على مزاجہ
ولكن أنا .. ابقے أنا !!!
التعديل الأخير تم بواسطة الـوهم ; 02-04-2009 الساعة 01:38 PM.
قـصـة لـيـلـى والـعـوس ,,,
العرض الشجري
المواضيع المتشابهه
