،
السلام عليكم ورحمة الله وبركـــــــــــــــــاته ،،
مبرووك للناجحين .. وعقبال طلاب الثانوية ،
من فترة عملت بيتزا ،، <<..قلة الشغل 
وقلت بالمرة انزل موضوع هنـــــــــا.. عشان تستفيدوا..
واذا حد يسويها بطريقة ثانية يخبرنا..
امممم الطريقة مقسمة لـ 3 او 4 خطوات اساسية ..
العجينة ، صلصة الطماطم ، الحشوة
أولا :الحشوة ..
نحتاج / لحم مفرووم و ثوم وزنجبيل و بصل وملح وبهارات ..ماي وزيت 
الطريقة /نحمس البصل ف شوية زيت
وبعد ما يصير لونه اصفر او يذبل نضيف له اللحم وبقية المكونات
بالاضافة للماي..
نتركه فترة لحد ما يستوي اللحم وينشف الماي ..
وهذه النتيجة ..
ثانيا : صلصلة الطماطم
نحتاج / معجون الطماطم ، حبة طماطم ، زعتر ، مكعب ماجي
الطريقة/ نخلط جميع المقادير ف الخلاط الكهربائي ..
وهذه هي النتيجة ،،
ثالثا : العجينة
نحتاج /كوبين ونص طحين ،فنجان حليب بودر، رشة ملح، فنجان زيت ، ملعقتين وربع خميرة، ماي تقريبا كوبين
الطريقة/ نخلط المقادير الصلبة مع بعضهـا
نضيف الزيت .. ونخلط ..
بعدها نضيف الماي بالتدريج .. ونعجن
لحد ما تصير العجينه لينة ومتماسكة ..
نخليها فترة لحد ما تتضاعف ..
- ع فكرة .. مقادير العجينة اللي بالصورة اضعاف مضاعفة -
أخيرا ..
نحضر البيتزا خخ
نحتاج لـ خضار منوعة .. انا استخدمت الزيتون والطماطم والفلفل البارد-رومي- ومع فطر
بالاضافة الى جبنة البيتزا
اول شي ..
نفرد العجينة ونحطها ع صينة الفرن تكون مدهونة ب زيت ..
بعدها نثقب العجينة بشوكة .. ولكن بخفة
و ندهن سطح العجينة بـ صلصة الطماطم
نحط اللحم المفروم و الخضروات ..
نضيف الجبنة ..
واخيرا ندخلها الفرن .. لحد ما تتحمر من تحت
ونحطها ع نار حفيفة من فوق ..
وهذه النهاية
أتمنى انها نالت ع رضاكم 
بيتزا اللحم < لذييييييييذة >
العرض الشجري
المواضيع المتشابهه
