قلبي الميـــــــــــــــت ** مذكرات خاصة
هذه خاطرة من مذكراتي الخاصة.. او جزء من خاصة.. اقرأوها كما يحلو لكم ولكن اوصيكم ان تقرأوها باعين قلوبكم قبل واقع عيونكم...
تشتت وضياع... وبحث بلا هدف... تاهت سبل الخلاص... وانقط حبل الذكريات
لا قوافي ولا ايقاع ولا غيره.... خاطرة بسيطة ... لانها من الصميم...
قلبي الميت( مذكرات خاصة)..
بقلم: الرحيل الساحر
في أخر اتصال جيت اليوم أودعك..
أبكيك ودموعي ودها ترحل معك..
غصت الدمعة في حلقي وأنا أقولها(الله معك)..
حتى صوتي ماقدرت اسمعه ولاقلبي يسمعك..
لو تعرفي اش كثر أحاتيك واسأل عليك ..
وانتي ولاهمك وتكثرين من تغليك..
أنا تعبان,حيران,مشتت,ولهان ..
وأخر رجاي من هالزمان إني أموت بحضنك يا إنسان..
تغيرتي ..
ماعدتي مثل أول ..
وصرت بالنسبة لك صفحة حقيرة مصيرها النسيان..
يعني ذنبي إذا طلبت وصالك وشوقي والع..
تقومي تصديني وتتجاهليني وغرسي فيني المواجع..
ولا كأني حبيبك..
صار العالم غاية همك ومرادك ..
وصرت أنا ما أسوى حتى حد يسال عني..
لو تعرفين أش كثر عانيت وشقيت بس لأجل اسمع صوتك..
تبعثرت حياتي وكسرت حدود الغلط وتحملت..
كله لأجل أكون جنبك...
تذكرين في لحظات ضيقك وحزنك ؟؟
كنت اسأل واهتم وأشاركك أحزانك..
وأنا مابغيت كل هذا بس اللي بغيته
انك تحسي فيني وتحسسيني بأنك معاي..
تسالي عني اذا كدرني الزمان..
ويش أقول غير الله وكيلك فيني وفي قلبي المجروح..
وخاطري المكسور..
بروح أحاكي أمواج البحر واغترب في ظلمة الليل..
مثل الشريد بلا دار يضمه ولا حضن يوده..
ودموعي تسيل..
لكن تأكدي ..
روحي قدر ماتقدرين ..
وابعدي كثر ماتشتهين..
أبقى أنا الأول في قلبك وأنا التالي...
ونهاية كلامي ..
عسى الله يوفقك مع إنسان ثاني..
إنسان يحبك,يعزك, يودك ويموت ولا يشوف دمعة على عيونك.. مثلي أنا
إنسان مستعد يدوس على قلبه لأجل خاطرك وينسى كيانه لأجل راحتك..
ماظني انك بتحصلينه... لأنه في الخيال ..
ومستحيل تلاقي هيثم ثاني .... مستحيــــــــــــــــــــل
الله وكيلك.. وأنا قلتها... قلبي خلاص صار ميت ماعاد نبض الحب يخفق فيه... وش يفيد من الدنيا قلب مات وانتهى وجوده...
وش يفيد؟؟
أعيدي.. أعيدي الي ياحكاياتي
أعيدي الي ماضي المسلوب من ذكرياتي
وافتحي في حاضري نافذتي وشرفاتي
واشربي الشاي في مقاهي حماقاتي |
|
العرض العادي
المواضيع المتشابهه
