1~ إيش كآنت لعبتك المفضلـه وأنت صغير ؟
مشي معي لعبة مفضلة . . . . اي لعبة كانت مفضلة عندي على بساطتها
واهمها فتحي يا وردة وغمضي يا وردة
2 ~ نشيد كنت تحبه أيام الطفولة؟
طلع البدر علينا
3 ~ شخصيه كرتونيـه كنت تحبهآ ؟
ســالي -كاتولي -ساندي بل
4 ~ كيف كنت أيام طفولتك شقي ولا مؤدب ؟
وايد هادية وكله ابكي .. وما زلت الى اليوم هادية ومسالمة هههههه لكني صامته تو ^_*
5 ~ ماهي المواقف اللي تعرضت فيها أهلك للإحراج ؟
مشي لاني ما اطلع وايد من البيت
6 ~ هل كانت شخصيتك قوية أم مغلوب عليها ؟
عادية بين الشخصيتين مب قوية ولا مغلوب على امري... يا ويلهم مني كنت اخذ حقي من الي يتسبب بي ههههه .. على قولت امي لا تقربوا منها ترى الساكت ناكت
7 ~ موقف حصل في طفولتك كان له دور في تغيير مجرى حياتك ؟
لا يوجد
8 ~ أكبر عيديـه جمعتها كم ؟ ومن مين ؟
ما اذكر صراحة لكن اذكر ان خالي كان يعطينا 5 ريال على كل عيد
9~ يوم كنتِ صغيره"للبنات" إيش كآنت تسريحتك المفضلـه ؟ و"للشباب" شعرك كيف كنت تسوويه"يعني تحلقه خخخ"
كله يسون لي عقص.. وانا انفع يسموني ام عقص ههههه
10 ~ من كـآن يدلعك أكثر أبوك أو أمك ؟
ابثنينتهم كانوا يدلعوني
11 ~ اســم دلعك بالطفولـه لحد الآن ينادونك فيـه ؟ وماهو ؟
اها وما زال ابوي يناديني به ..
هعععععععع ما اقول سر
12 ~ لحقت تتابع المجد؟ والا سبيستوون ولا القناة الاولى بالصبح والعصريـه ؟
اكيد وما زلت اتابعهن مع اخواني الصغار
13 ~ بطفولتك كنت تبكي إذا ماجلست بالاول بالطابور أو الفصل ؟
يعجبني اكون في الاخر عشان اسولف مع صديقتي لانها ثرثارة من الدرجة الاولى ^_^
14 ~ هل عندك لعبـه موجوده من صغرك إلى الآن واذا كنت محتفظ فيها ؟ وماهي ؟
معي دمية من قماش هدني ياها خالي لما كنت في الصف الخامس وما زلت محتفظة بها لليوم
15 ~ إيش اكـثـر حلاوة كنـت تحـبهاا ؟
كل الحلويات كنت وما زلت احبها
16 ~ ايش اسم اول مـدرسـه أو مدرس درسك ؟
ابلـــــــــه بهيه وغريبة ما نسيتها لليوم
18 ~ موقف بطفولتك ما تنساه ؟ وليـه؟
لما كنت في صف رابع صفعتني معلمة الانجليزي لاني ما عرفت انطق كلمة
ظليت مثل التايهه ذاك اليوم ما مستوعبه الي حصلي وكرهت الانجليزي من يومها .. والمسكينه حاولت تصلح خطأها وكله تمدح فيني قدام البنات عشان ترفع معنوياتي ومشي فايدة خلاص كرهتها وكرهت مادتها .. الله يبعد امثالها عن عيالنا يا رب
19 ~ أجمل رحلـه طلعت فيها بطفولتك ؟
رحلة للبحر كنت اول مرة اشوف فيها البحر كانت بالفعل رحلة ما تنتسي وكنت اخاف من الامواج
20 ~ مكان معلق في ذاكرتك من طفولتك ؟ ولماذا ؟
البستان ( النخل ) معظم طفولتنا قضيناها فيه
21 ~ مين أقرب صديق في طفولتك وهل كانت بنت ولا ولد ؟
بنت
وتو سافرت الامارات ونادرا ما نتصل ببعض كلا لهته مشاغل الدنيا
والله يرجعها بالسلامة
4 ~ كيف كنت أيام طفولتك شقي ولا مؤدب ؟
مؤدب لكن لابد من الشقاوة شويه
5 ~ ماهي المواقف اللي تعرضت فيها أهلك للإحراج ؟
اذكر انه فجرنا علبة باروت محصلينها في مركز تدريب الكتيبة
وكلهل العالم خارجه لما سمعوا الانفجار .
وعاد الوالد الله يرحمه ما قصر الخيزران جاهزه .
6 ~ هل كانت شخصيتك قوية أم مغلوب عليها ؟
في سن الطفولة ليس هناك ما يسمى بشخصية
ولكن المضاربه دوووم .مع اخواني .
7 ~ موقف حصل في طفولتك كان له دور في تغيير مجرى حياتك ؟
ما اذكر لانه حياتي ما تغيرت بموقف معين الا لما كبرت
صار لي موقف ويالله كله خير.
8 ~ أكبر عيديـه جمعتها كم ؟ ومن مين ؟
ما اتذكر بالضبط .
9 ~ يوم كنتِ صغيره"للبنات" إيش كآنت تسريحتك المفضلـه ؟ و"للشباب" شعرك كيف كنت تسوويه"يعني تحلقه خخخ"
!!!!!!!!!!!!1 بخليه سر !!!!!!!!!!!!!
10 ~ من كـآن يدلعك أكثر أبوك أو أمك ؟
لا كانت زوجة عمي كثير تدلعني .
1~ إيش كآنت لعبتكالمفضلـه وأنت صغير ؟
جوجو 20 مادري انتو اشو تسموها بس كنت أحب ألعبها مع صغارية الجيران ^_^
2 ~ نشيد كنت تحبه أيام الطفولة؟
طائر النورس
3 ~ شخصيه كرتونيـه كنت تحبهآ ؟
آنسه صفاء (مال لحن الحياه) – باباي – بي بي ^^
4 ~ كيف كنت أيام طفولتك شقي ولا مؤدب؟
شقية بس ع الخفيف ^_^
5 ~ ماهي المواقف اللي تعرضت فيها أهلك للإحراج؟
اضرب أي احد م الصغار يمشي قدامي بس كذا نذاله يدي تشريني ابا اضرب بس الحمدلله كبرت وعقلت هع هع
6 ~ هل كانت شخصيتك قوية أممغلوب عليها ؟
لا لا مو مغلوب عليها ولا قوية بمعنى الشراسه بس كنت عنيده لدرجه لي اباه اسويه بس كنا صغار والأغلبية كانوا عنيدين
7 ~ موقف حصل في طفولتك كان له دور في تغيير مجرى حياتك؟
موقف مع امي وصل لدرجة انها زعلت مني اسبوع ومنها حلفت اني اسمع كلامها بعد اقتناع وما اطلع عنها إلا انا راضيه وهي راضيه ولي هو فترة الامتحانات (كنت بالإبتدائي ) كانت تعطيني فطور علشان آكله وانا رايحه لأني دايما مستعجله وما احب اكل شي اول الصباح فكنت آخذ الفطور واخليه جنب باب الحوش ع اساس هناك عامل البلديه دوم يمر قلت بيفره ف الزباله وبيوم امي شافته ولما سألتني هل اني هالحركه اكررها دوم ولأ لا طبعا كذبت عليها وقلت لها لا هذه اول مره العاده آكله بس كشفتني قالت بنبره حاده : الله ما يحب لي يكذب وخاصة يكذب ع امه عاد قلتلها صح انا كل يوم ما اكل وجلست بعدني اسوي شحطه اقولها خبرتك ما يعجبني آكل م الصباح وانتي مصره (صدق ماتستحي هذه امك يالخسفه ) مهم عاد م يومها بعد ما زعلت مني تأدبت وصرت أكل ف البيت قبل لا اطلع ولو شي بسيط (ربي يحفظ أمي)
8 ~ أكبر عيديـه جمعتها كم ؟ومن مين ؟
امممممم م عند ابوي ياي كانت ايام حلوه مو ألحين مالت علينا بعدنا مو ذاك الزود كبار عاد ما يعطونا عيدية اوين نشتغل ع الاقل عطونا 100بيسة شوي نفرح بفلوس جديدة عموما كانت أكبر عيدية م عند ابوي وقيمتها 20 ريال لأن يحليله م اول يوم عيد يعيدني اروح له الظهر ابوي عطيني عيدية لاه ويعطيني واليوم الثاني نفس الحاله اقوله ليما اخر يوم عيد واجمعهم يطلعن 20ريال حماس لاه خخخخ
9~ يوم كنتِ صغيره"للبنات" إيش كآنت تسريحتك المفضلـه ؟ و"للشباب" شعرك كيف كنت تسوويه"يعني تحلقه خخخ"
يسوا لي مثل جودي ابوت هههههه عقصين وكانوا بنات خالي يشحطوا شعري وينادوني ارنوبه ههههههه
10 ~ من كـآن يدلعك أكثر أبوك أو أمك ؟
ابوي اكثر ^^ بس امي بعد تدلعني واحيانا لا ههههه
11 ~ اســم دلعك بالطفولـه لحد الآن ينادونك فيـه ؟ وماهو ؟
ايوا لين ألحين بس صعبه اقوله بتعرفوا اسمي بعدين هع هع
12 ~ لحقت تتابع المجد؟ والا سبيستوون ولا القناة الاولى بالصبحوالعصريـه ؟
يب يب يب يس يس يس لحقت واتابعهم وبعد كنت ف الخميس والجمعه اصحى س6 صباح علشان اشوف توم وجيري وربعه لي هم نقار الخشب وبينك بنتر نبا نضحك لاه ههههه فديت طفولتي
13 ~ بطفولتك كنت تبكي إذاماجلست بالاول بالطابور أو الفصل ؟
لا ابكي ولا عندي خبر بالعكس ابا اكون بالآخر بس احيانا المعلمات كروب غصب يخلني وسط الحمدلله ما يخلني ف المقدمه كأني كابتن هع
14 ~ هل عندك لعبـه موجوده من صغرك إلى الآن واذا كنتمحتفظ فيها ؟ وماهي ؟
ايوا عندي دبدوب ابيض كبيييييييير وعنده قلب أحمر هدية ابوي فديته م الامارات ههههه بلاد العمانيين الثانية
15 ~ إيش اكـثـر حلاوة كنـت تحـبهاا ؟
سفاري وتويكس ( مال أول ^^ )
16 ~ ايش اسم اول مـدرسـه أو مدرس درسك؟
استاذه حواء ^^
17 ~ هـل كـنت تـعانـي مـن اخـطاء فـي مخـارج الحـروف؟
لا الحمدلله
18 ~ موقف بطفولتك ما تنساه ؟ وليـه؟
دعمني ولد جيرانا بالسياره كان هو يرجع ع ورا وانا امشي صوبه وكنت آكل أي كريم كنت صغيره ويمكن هو ما شافني ولين اليوم اتذكر مشيتي بالايس كريم وطحت فجأه ولا عرفت شو صار إلأا شفت نفسي ف المستشفى بحضن امي فديتها ( والسبب لي ما يخليني انسى هالموقف لأن ولد جيرانا كل ما يبا يرجع السياره ويشوف احد وراه يضرب فيني المثل يقول قوم لا ادعمك مثل فلانه هههههه )
19 ~ أجمل رحلـه طلعت فيهابطفولتك ؟
رحلة لفلج دارس واااواحلى شي لما كنت نسبح محد يقولنا عيب مو ألحين بهالزمن حتى الطفل يخافوا عليه ولا يخلوه يسبح براحته مثل اول
20 ~ مكان معلق في ذاكرتك منطفولتك ؟ ولماذا ؟
شاطئ القرم لأن م ونحنا صغار ما يشلونا غير هناك وتعودنا عليه م ونحنا صغار لدرجه اذا بغونا نسمع الكلام ونذاكر للمدرسه يفرحونا بذاك الشاطئ ههههه صغار وينضحك علينا بسرعه ^^
21 ~ مين أقرب صديق في طفولتك وهل كانت بنت ولا ولد؟
بنت ،، لكن للأسف الموت فرقنا الله يرحمها ويغفر لها يارب والحمدلله ع كل حال
بختاااااار روح الورد
اسم العميل: وعد الوفا
رقم العميل: 007
الحزب: 04
المهمة: اجتياح حصن عمان
التعديل الأخير تم بواسطة وعد الوفا ; 21-10-2010 الساعة 10:29 PM.
العرض العادي
المواضيع المتشابهه
