منتديات حصن عمان - وش اللي يجبر الشاعر؟؟
منتديات حصن عمان

منتديات حصن عمان (http://www.hesnoman.com/vb/index.php)
-   برج الخواطر والقصائد المنقولة (http://www.hesnoman.com/vb/forumdisplay.php?f=103)
-   -   وش اللي يجبر الشاعر؟؟ (http://www.hesnoman.com/vb/showthread.php?t=20455)

نبــ المشاعر ــض 10-10-2008 07:23 PM

وش اللي يجبر الشاعر؟؟
 
الشاعر حامد زيد


(وش اللي يجبر الشاعر)


انا والليل والعبرة وجرح وخاطر ٍمكسور
ونفس من هجير البعد والحرمان مقهورة
وقلب ظامي لشوفك ولايروى ظماه بحور
وعين تحتري لحظة غياب الطيف وحظوره
ونـار تنطفي مره..ومره تشتعل وتثور
واقول النار مقدورة وهي ما هيب مقدورة
حسبت الليل بغيابك يمرن الليال دهور
وكني شايل بقلبي ليال الوقت وشهوره
تصبرت وتقدرت وبنيت من الخيال قصور
إلين ان الجفا شد الركايب وانتهى دوره
تحريتك على درب القصيد من ثلاث شهور
وحشا ما مات لك غصن يشف الماي بجذوره
تخيرت الغرام وجيت لا راضي ولا مجبور
وجيتي تسبقين خطاك مرضيه ومجبوره
وانا ما كان لي رغبه أبين واكشف المستور
ولكن الجمال أكبر من الخفاق وشعوره
جمال وود وعيون ودلال وكبرياء شعور
وفتنة تخذل عيون النهار وينطفي نوره
ولك في خافقي صوره تلاشت بين ضي ونور
وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور
والا يا جملة أيام الجفا والصد مشكورة
خذتني للجفا عزه واخذني للعناد غرور
واخاف اكون بعنادى حبيب ومات بغروره
وإذا كانت مسافات الخيانة للغرام قبور
وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟
مدام انتي محبينه وعشاقه وجمهوره






حامد زيد

*إبن الباطنة* 11-10-2008 10:15 AM

مشكوووووووووووره أختي نبض المشاعر على القصيدة الرائعة للشاعر المبدع حامد زيد.......
ونتمنى نشوف قصايد غيرها إن شاء الله.........................

COMANDER 12-10-2008 02:24 AM

الحمدلله والصلاة والسلام على رسول الله وعلى آله وصحبه أجمعين
ونـار تنطفي مره..ومره تشتعل وتثور
واقول النار مقدورة وهي ما هيب مقدورة
حسبت الليل بغيابك يمرن الليال دهور
وكني شايل بقلبي ليال الوقت وشهوره
اشكرك اختي نبض المشاعر على القصيدة الجميلة للشاعر حامد زيد تحياتي لك بتوفيق ربي يحفظكـ

savy 13-10-2008 02:18 AM

قصيدة رائعة ....... بالفعل
تسلمي اختي الغالية ...

تقبلي تحياتي ..
اختكم // ســــــــــافي


الساعة الآن 12:14 PM.

Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها

a.d - i.s.s.w