منتديات حصن عمان - عمل برنامج بإستخدام السويش ماكس ^^
منتديات حصن عمان

منتديات حصن عمان (http://www.hesnoman.com/vb/index.php)
-   برج الدروس وملحقات التصميم (http://www.hesnoman.com/vb/forumdisplay.php?f=100)
-   -   عمل برنامج بإستخدام السويش ماكس ^^ (http://www.hesnoman.com/vb/showthread.php?t=36709)

وعد الوفا 20-02-2011 09:44 AM

عمل برنامج بإستخدام السويش ماكس ^^
 
اممممممم السلام عليكمـ ورحمة م الله وبركاته

كيفكمـ ؟؟؟

اليوم إن شاء الله بنعرف كيف نصنع برنامج صغير بإستخدام برنامج السويش ماكس
الطريقة سهله جدا وما فيها أي تعقيد

خلونا مع الشرح

أول شيء نفتح برنامج السويش ماكس ،، ونختار عمل جديد نفس ما تعودناااا م قبل

( انا ما حطيت خلفية للشرح السريع بس بإمكانكم تحطوا خلفيات ولكن يفضل خلفية تكون فيها مساحة فاضية علشان تقدروا تشتغلوا عليها زين كبداية وبعدين لما تتطوروا خير ان شاء الله اختاروا الخلفيات لي تحبوها :S_003: )

الحين ندرج نص ( دخوووول البيـــت ) مثل ما هو واضح أمامكم

وأيضا ندرج الزر بإستخدام الأدارة الظاهرة امامكم


ونعمل كل شي لحد ما نخلص كل الأزرار + كل النصوص ونخلي الواجهة جاهزة
ونخلي مكان أسفل البرنامج عشان يعرض الأدعية اللي نختارها


الحين ندرج أول دعاء ف الأسفل


ونضيف إلى الدعاء الأول ( دخوووول البيـــت ) أي تأثير وليكن fade in
بالطريقة التالية :


الحين أنتبهوااااا زين زين زين
خلواا كل شي وأنتبهواااا زين

الحين أضفنا التأثير اللي هو
fade in على الدعاء الأول ( دخوووول البيـــت ). ونحط stop قبل وبعد التأثير

شوفوااا أنا عملت التأثير ع الدعاء الأول في الفريم رقم 45 يعني لازم تركزا ف رقم الفريم :innocent:


هذي طريقة عمل الـ stop

( بعد ما تحطوا fade in حطوا بعد طريقة stop تأثير fade Out علشان ما تتلعوزوا وتشتبكوا بين الدعاء الأول والدعاء الثاني )
همسة / لا تهتموا هنا بهالصورة رقم الفريم انتبهوا للي فوق لأن هنا صورت للتوضيح كيفية عمل طريقة stop طيب:clap:


الحين الخطوة الاهم
نضع الكود لكلمة ( دخوووول البيـــت ) عشان لما نضغط على الزر يطلع دعاء دخول البيت
نحدد على كلمة ( دخوووول البيـــت ) الحين

ملاحظة : اذا تفضلوا تضغطوا ع الزر ويطلع لكم الدعاء بدال لا تضغطوا ع كلمة دخول البيت ما عليكم غير انكم تطبقوا هالطريقه ع الزر وليس كلمة ( دخوووول البيـــت ) فهمتوا :shutup:


ونروح على كلمة دخوووول البيـــت


تظهر لنا نافذه بيضاء
نختار add ****** -- events -- button -- on ( press )
http://www.hesnoman.net/upload/uploa...ed9e34fdd9.jpg

الحين مره ثانية بس بخطوات غير مثل ما هو واضح امامكم


بتظهر لنا نافذه ع اليمين ونحط فيها رقم الفريم اللي يبدأ منه التأثير ( بما أني سويت التأثير ف الفريم رقم 45 أذا انا بحط الرقم 45)

يعني نحط مكان هالسهم لي ظاهر معكم ف الصورة رقم 45


الحين سوينا على الدعاء الأول
عاد أنتواااا كملوااا للدعاء الثاني ( الخروج من البيت ) بنفس الخطوات هذي وبيظهر لكم برنامج كامل
ومبارك عليك أول برنامج تصنعه :thumbup1:


هذي نتيجه العمل :

( أضغطواا ع الكلمات وشوفواا النتيجة )





اتمنى م كل خاطري يكون الشرح وااااااااضح ،، حاولت قدر ما اقدر يكون بالشكل المطلوووب
واي استفسار انا جاهزة :yeah:

orient 20-02-2011 05:24 PM

وعليكم السلام ورحمة الله وبركاته ..

بالرغم من أني من أواخر الناس الي حطو رد في هذاك المكان ..
إلا اني سعيدة بأني أول المشاركين في هذا الموضوع ..
وان شاء الله أكون من أوائل الناس الي تطبق الدرس ..

قريبا ان شاء الله أول ما يكون الجو مناسب

تشكرات

ملاك الشرق 20-02-2011 05:24 PM

ما شاء الله عليك غاليتي ..

شرح واضح بالنسبة لي ..

بالليل بحاول أطبق الدرس وإذا ما عرفت أي شيء بلجأ لك حبوبة ..

ربي يعطيك الصحة والعافية ,,

دمت بحفظ الرحمن ..

البراء 20-02-2011 05:40 PM

مميزة بمواضيعك التي تفيدنا جدا ً ...
متابع لك ِ يا وعد ...

دلعي يميزني 20-02-2011 07:19 PM

جدا مفيد الدرس
شكرا لكِ وعد..

بعثرتهم هيبتي 20-02-2011 09:52 PM

شكرا لك استاذه وعد ع الدرس
^_^

وعد الوفا 21-02-2011 08:27 AM


ما يكفيني شكراا ^^

ابا تطبيق ،، ابا احس اني سويت شي ينفعكم

يلااا اترقب تطبيق م كل لي مروو م هناا وم الكل ،، طيب

كل الشكر لكم ع مروركم الطيب ،،

كحل العين 21-02-2011 08:36 AM

ماشاء الله عليج وعدوة

خلاص ان شاء الله نطبق يوم تفضى هههههههههه<< ياهالشغل

وعد الوفا 21-02-2011 08:39 AM


ما شاء الله عليك انتي بعد كحل ،، كيف حالك عساك طيبه ؟

سمعي شغل ما شغل وقت الدراسه تفضي غصب عنك

انا ما ألعب بهالمدرسه ،، هناك شغل وهنا دراسه مفهووم <<< ابله معصبه ومصدقه عمرها ههههههه

يلا كحوووله خلي عنك انتظر التطبيق ،، بعد هالدرس بعلمكم شي حلو بعد <<< لا تصدقوااا هع

كحل العين 21-02-2011 08:44 AM

هههههههههه أبلى وعد أنا فمسقط حاليا كان بتجي معي ههههههههههه

شفتي يعني كيف أتدرب وأنا فطريقي للكلية خليني أضارب الدكتور وأوعدج من أسوي اللي فراسي بجي أطبق

وعد الوفا 21-02-2011 09:00 AM


امممممممممممممم شو هالطلبة لي عندي

اوين م اخلص ،، كذا تردي ع استاذتك << اقول قلبي وجهك اشوف مصدقه

يلاا عموماا انا بإنتظاركم ^^

يسلموو كحوله الدبه

ربآش 21-02-2011 10:41 AM

اهم شي فهمت الطريقة

شكرا لكِ

وعد الوفا 21-02-2011 12:42 PM


العفووو رباش ،، لكن ابا التطبيق علشان اتأكد فهمت شي ولأ ؟؟


انتظرك

الريان 21-02-2011 01:39 PM

اهااا طلعتوا بادين وانا ماعندي خبر
بكون متابعة فقط

بارك الله فيك

حوراء الحصن 21-02-2011 01:49 PM

ما شاء الله درس مفيد للجميع..
لما أفضى تماماً أريد أطبق الدرس خطوة خطوة وإن شاء الله أنتج شيء بسيط من هذا الدرس..
تشكري وعد..:v:

وعد الوفا 21-02-2011 01:56 PM


الريان اسمع متابعه فقط

اباا اشوف تطبيق لك مفهوم ^^

طيف الأمل 21-02-2011 02:52 PM

تسلمي استاذه ع الدرس المفيد ..

ربي يعطيكِ العافية ..

orient 21-02-2011 08:44 PM

عوووودنا مع التطبيق ^_*



اذا التطبيق صح عاد أطالبك بهدية لاني أول وحدة أطبق من الجماعة :essen:

ملاك الشرق 21-02-2011 10:22 PM

غاليتي كل شيء ضبط معاي غير هذي النقطة ..



( بعد ما تحطوا fade in حطوا بعد طريقة stop تأثير fade Out علشان ما تتلعوزوا وتشتبكوا بين الدعاء الأول والدعاء الثاني )


كيف أسويها ؟؟

وعد الوفا 22-02-2011 12:38 PM


حوراء ،، طيف

يسلمووو ع مروكم وانتظر تطبيقكم

وعد الوفا 22-02-2011 12:42 PM


اورنت ما شاء الله عليك ،، ابداااااع وربي

طبقتي الدرس بشكل صحيح 100% وارقى م تصميم الدرس بعد

ربي يحفظك ،، بقت لك طريقة وحده ف تعليم السويش ماكس وبإذن الله بشرحهاا بعدين

وبكذا عرفتي اساسيات السويش بشكل عام ويبقى لك الممارسه للإبداع اكثر

اسعدتيني بهالتطبيق ،،، بارك الله فيك

وعد الوفا 22-02-2011 12:50 PM

ملاك الشرق حبيبتي شايفه هالصورة

http://www.hesnoman.net/upload/uploa...3ffbcfe602.jpg

م نفس المكان تحطي fade Out

وشوفي هالصورة ،، ركزي كيف انا حطيت fade in و fade Out

http://www.hesnoman.net/upload/uploa...a220279094.jpg

اذا ما فهمتي خبريني ،، لأن ألحين ارد عليكم ع السريع واعذروني ع القصور

وعد الوفا 23-02-2011 09:02 AM


وينكم ؟؟؟؟؟؟؟؟!!

ربآش 23-02-2011 05:05 PM

صراحة عاد ما تطبيق اورنت مسوية
خلاص يا ابلة اعتبري تطبيق اورنت تطبيقي وعطيني درجه

ملاك الشرق 23-02-2011 10:06 PM

مرحباً غاليتي ..

شكراً لكِ على المفيد ..

وهذا تطبيقي حبوبة ..


شوية أخطاء فيه ^^


http://www.hesnoman.net/upload/uploa...09170df555.swf

وعد الوفا 25-02-2011 02:31 PM

رباش قلنااا تطبق انت بنفسك مفهووووووووووووووووم

ملاك الشرق ،، ما شاء الله عليك تصميمك كمبتدئه حلوو ،، عاد اتمنى اشوف لكم
برامج بسيطة حلوه يستفاد منهااا ،، مع الممارسه راح تبدعوا اكثر وراح تقدروا تصمموا
برامج مجلات تحتوي ع فقرات حلوه تفيدكم وتفيد الكل ،، خاصة ان حجم هالبرنامج راح يكون بسيط

اشكركم اخوتي ،، اتمنى اشوف تطبيق من الكل م مر م هنااااااااا

بارك الله فيكم جميعا

وعد الوفا 25-02-2011 03:37 PM

السلام عليكم ورحمة الله وبركاتة

اليوم إن شاء الله بنعرف طريقة عمل نفس البرنامج ولكن بدون الضغط ع الأزرار
بمجرد مرور مؤشر الماوس ع الزر يطلع الدعاء مباشرة . بدون ما نضغط

الطريقة نفس الشي بالضبط
بس نستبدل الخطوة الموضحة بالصورة التالية
http://www.hesnoman.net/upload/uploa...ed9e34fdd9.jpg

بهذه الطريقه ،،

http://www.hesnoman.net/upload/uploa...9e57c92aac.jpg

هناااااااا نتيجة العمل أنا طبقته علشان توصل المعلومه ^^

http://www.hesnoman.net/upload/view.php?file=adf19ac7ed

سهله صــح :thumbup1:

القلم الحزين 26-02-2011 06:09 AM

جزيل الشكر لك أيتها المبدعة وعد الوفا ..
بصراحة تقديمك للدروس في منتهى الروعة ، تستحقي في الشهادة حرف ( أ ) ..
وأتمنى من الجميع تطبيق هذه الدروس لأن هذه الدروس مفيدة جداً في تعليم الأطفال بعض المعلومات وتشجيعهم على القراءة في حالة تقديم العرض الفلاشي بأسلوب جذاب ومشوق وطبعاً يعتمد على مدى إلمامكم لدروس الأستاذة وعد الوفا .
ربي يعطيك كل خير ونسأل الله لك التوفيق ،،

وعد الوفا 26-02-2011 08:54 AM


كل الشكر لك استاذي ،، رفع المعنويات مطلوبة علشان نبدع اكثر ف عرض الدرووس

اسعدني تواجدك ،، بارك الله فيك

بنت قابوس 26-02-2011 09:23 AM

تسلمين عزيزتي على آلشرح ..

كـآن عندي آلبرنـآمج وطـآر للآسف

أ


الساعة الآن 05:33 AM.

Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By Almuhajir
لا تتحمل منتديات حصن عمان ولا إدارتها أية مسؤولية عن أي موضوع يطرح فيها

a.d - i.s.s.w