ف الجامعه يمكن حوالي الثالثه الا ربع=ظهر"_مشت هالأدميه تلتوي بلحافها
تضحك وانا ف الموكب الشعري ترى فيني طبع= (اغض من بصري) وارد أشوففي من شافها
كل ما تلف عوينها _ادميعها منها نبع=عوينها سفينة_ن_ رمشينها مجدافها
في يدينها كتابين_( والخنصر به شيء_ن_ لمع)= خاتم ذهب برق بعين الشمس ثمن لافها
الصوت وادي من على قمة جبل طارق دفع=والمهره يا سيدي ترى هي تنعرف باوصافها
الراعبي فيها سجع والسامري فيها سجع= كل الحمام اللي في روما جت تبوس اكتافها
لا جابت الترمومتر ف فمها أوووه ارتفع= حرارة الجسم الندي_صب العرق باردافها
سبحان ربي كن زهر الارض فالخد انزرع= كن العطر من عايلتها_والفراش اولافها
لو شفت وش سوا القلم من يدها لما وقع=شوفه رسم ف الأرض _ حب_ن_من تحت اشرافها
شلت كذا النظاره شويه_ وارى نورن سطع= من عينها _كن القمر ساطع على مشرافها
شعراتها منا سبع_ وشعراتها منا سبع= اربع عشر شعره_تبين عدلها وانصافها
(ممشوقة القوام) لا اروم صبرن_ يالربع=الشعر وقف جنبها يكذب عليك ان طافها
طبع ال بن آدم من خلق كله ف هالدنيا طمع= وطبع الحياه تمجد التاريخ في اسلافها
النجد مربط للفرس والكف مربط للصبع= والفرصه الحلوه من الجو الشعر خطافها
خطواتها واحد ثلاثه خمسه وتنقع سبع= مستعجله /الشمس تحرقها وأنا _ مندافها
صحيح واقف قلبي اللحظه ولكنه هجع= والبنت ما توجد سوى وسط البحر اصدافها
مدري شبعت من الشعر والا الشعر مني شبع= بنت ف طريق الجامعه دبوسها ف لحافها