مهارات التقديم ( البرزنتيشن )
السلام عليكم ورحمه الله و بركاته
التقديم أمام الطلاب أو أمام أي فئة آخرى من الجمهور يتطلب العديد من المهارات , وحيث أن الطلاب هم الأكثر عرضة لمثل هذه المواقف بحيث يطلب منهم في المراحل الجامعية كتابة مواضيع وتقديمها أمام زملائهم , وجدتني بعدما قرأت موضوعا بلغة مبسطة وسهلة بعيدة عن التكلف اللغوي وجوب نقلها ليستفيد منها الكثيرون وأتمنى أن يضاف عليها مايرى بأنه مفيد فكلنا نتعلم من بعضنا .
اولا اول مايطلب من الشخص تقديم البرزنتيشن وش اهم شي يسويه ..
لازم يسأل عن الموضوع بشكل مفصل , ويعرف الهدف من البرزنتيشن اللي بيقدمه , ويعرف
نوعية الحضور اللي بيحضرون البرزنتيشن , هل هم ناس متخصصين او ناس من العامة حتى
يختار الاسلوب واللغة المناسبة لمخاطبتهم , ويشوف المكان اللي بيقدم فيه , من ناحية السعة
وحرية الحركة , وهل فيه مايك والا لا وهل المايك مثبت معه والا لازم يكون ورى الطاولة , ويشوف
وش الاشياء المتوفرة لتقديم البرزنتيشن , هل المتوفر بروجكتر او بور بوينت وكذا ..
وبعدها يعد نفسه بشكل جيد حتى يتفادى الارتباك امام الحضور , ولازم يحضر البرزنتيشن بفترة
كافية عشان مايزنقه الوقت , ومايكتب في البرزنتيشن الا الاشياء اللي فاهمها , لانه ماراح ينسأل
الا في اللي مكتوب , واذا كان بيستخدم بوينتر يستخدمه بالشكل المطلوب من غير مايشتت
انتباه الحضور , وفيه شي مهم وهو ال Eye Contact يعني مايركز نظره على
جزء معين من القاعة . ومفروض يروح يسوي بروفة في مكان البرزنتيشن ..
وفيه شي مهم بعد وهو تسميع الشخص لنفسه ,بحيث انه يجلس قدام مرايه ويحاول يتغلب
على عاداته السيئة من خلالها سواء يكون مثلا دائما يمسك نظاراته او يحرك شماغه , او يخلي
يدينه دايم ورى الطاولة ومايطلعها .. وطبعا لازم يهتم الشخص بمظهره بحيث انه يتأنق ليتألق.
ولما يجي يطبع الشخص البرزنتيشن على ترانسبيرنس مايكتب الا رؤؤس اقلام ويحاول انه
مايقرأ من ال Slide ابدا , وفي كل Slide المفروض انه مايتعدى سبع سطور
حتى يكون كل شي واضح .. ولازم انه يستخدم حجم معين للخط وذي مالها قاعدة معينه بس
اذا طبع البرزنتيشن يكون الشخص قادر على قراءتها بشكل واضح وهو على بعد مترين ..
هذي نصائح كيف تعمل برزنتيشن ناجح خالي من الاخطاء , والله يوفق الجميع .
وأحب أن أضيف على ماذكر مايلي :
- الإبتسامة وخصوصا عند البداية في التقديم .
- قراءة المعلومة بثقة بدون الشعور بالإهتزاز حتى تصل إلى مرحلة الإبداع .
- أنا مبدع , أنا رائع , أنا الأفضل في التقديم . جمل يجب أن تؤمن بها وتذكرها في نفسك حتى تصل للنجاح .
- تذكر دائما أن أفضل من يعرف موضوعك حق المعرفة هو أنت وليس غيرك من الحاضرين .
- الهدوء والروية عند مرحلة المناقشة بعد التقديم شيء هام لتجاوزها , والإجابة بثقة هي الطريق دائما لتجاوزها حتى لو كانت الإجابة فيها نسبة من الخطأ فبإلامكان الهروب من الإجابة الكاملة بقولك وهناك أبحاث أو آراء أخرى تقول غير ذلك .
- عندما تكون فترة التقديم طويلة وعنك مساحة للحركة فيجب عليك التحرك حتى لايصل من يحضر إلى مرحلة الملل مما تقدم .
- عندما تخطىء خلال التقديم , لاتجعل خطأك حجر عثرة لإكمال ماتريد تقديمه بشكل رائع .
- يجب أن تعرف انه كلما تمرست على الحديث أمام جمهور كلما زاد إبداعك في التقديم .
- فشلك في تقديم نقاط معينة هو الطريق للنجاح في المرات الأخرى , فلا تكن منغلقا غذا لم تحقق ماتريده من نجاح خلال التقديم .
مع أطيب التحايا والأمنيات لكم جميعا .
منقول للفائدة
|
العرض العادي
المواضيع المتشابهه
