السلام عليكم ورحمة من الله وبركاته
موضوع رائع أختي كحل العين
بصراحة لو تكلمت عن الخدمات في المراكز الصحية والمستشفيات اللي معنا ما راح يكفي الوقت عشان أسرد كل القصص والمواقف اللي صارت معي
عن نفسي من النادر أروح أعالج في مركز الخابورة الصحي إلا إذا كنت باغي أخذ إجازة ومضطر أروح معهم
أما العلاج فأفضل إني أروح عيادات خاصة ولو أنها ما احسن بكثير معنا في الولاية لكنها أحسن من المركز الصحي اللي معنا
أذكر مرة كنت تعرضت لإصابة في القدم ( طبعاً في الملعب هع )
والمشكلة ما كنت قادر حتى أمشي برجلي
قلت بروح المركز الصحي عشان يمكن يسوولي أشعة أو ع الأقل يعطوني علاج
المهم رحت وفتحت زيارة وجلست انتظر الدور عشان ندخل على البروفيسور اللي موجود معنا
والله جلست لحد ما مليت من الجلسة وعلى العلم ما كانت زحمة معهم
بس الطبيب ما شاء الله عليه الظاهر يسوي جلسات علاجية ونصائح وإرشادات للمرضى وبعدها يعطيهم محاضرة في الصحة العامة
إنكسر ظهري من الجلسة ماشي حل غير إني أنتظر
آخرتها لمن شفت نفسي بنفجر من الإنتظار
رحت وأخذت الكرت مالي وطلعت بدون علاج
رحت الصيدلية وأخذتلي كسارة مال قدم ومرهم ورجعت البيت وعالجت نفسي
وخلوني أذكرلكم بعدني موقف عن واحد من المرضين في المركز
هذا الله يسلمكم كنت مرة شال عمي الله يرحمه المركز الصحي معنا
وكان الدكتور كاتب بأنه يأخذ سقاية لمدة ساعتين تقريباً
وجانا هذا الممرض الخبرة ( ع فكرة أنا أعرف الممرض وإنه ما شاء الله صارله من فترة يداوم في المركز )
يعني عنده خبرة في التمريض
المهم جانا عشان يركب السقاية
فتح في إيد عمي تقريباً من 4 إلى 5 أماكن عشان يركب السقاية
كل مرة يقول الإبرة ما راضية تروح بشكل صحيح
وأنا أقول الله يساعدك ياعمي على هذا العذاب
رحم الله روحك ياعمي
صدقوني الواحد يدعي ربه أنه يكون بعافية وما يكون تحت رحمة دكتور أو ممرض معنا في عمان
العرض المتطور
المواضيع المتشابهه
