تجرح شجوني وانتهي في غرامك
يرضيك أحرق خافقي رغم أنفي؟!
اشغلت قلبي وانشغل فيك بالي
اتعبت روحي وانكشف قبر ضعفي
أعزف بهمي وانتشي في عذابك
وألقى المصيبة أنت يطربك عزفي
اشرب عذابك وارتشف من حنانك
ما عاد يروي خافقي منك رشفي
ليت السعادة تطرق اليوم بابي
اشوف حزني خلف الأفراح مقفي
ما عاد يتعب خافقي غير شوقي
ولا عاد يرهق خافقك غير صلفي
لا جيت أرسم صورة الصمت فيني
دمي مدادي والأحاسيس حرفي
الدمع يفضح ما خفت عنك عيني
رغم التعنت يبعث الشوق لهفي
أهواك نسمة تنعش أنفاس روحي
تجرح سكوني..تلطف بيوم عصفي
ما عدت والله اصطبر في بعادك

ودي بقربك واترك الهم خلفي