السلام عليكم ورحمة الله وبركاته


هذي قصيده للشاعر حامد زيد عجبتني وحبيت انقلها لكم


عسى ان ترتقي لأذواقكم






اعايش مركب الدنيا على متن القدر مولود
ابعرف هو صحيح ان القدر بالناس دوامه؟





ومن وين الزمن مقبل والى وين الليالي تقود
ومن في هالزمن يقدر يوجه خطوت اقدامه؟




ومن له بالزمن غايه ومن عنده هدف منشود
ومن منا قدر يعرف خفايا مقبل ايامه؟





لقينا بالعرب حاسد وشفنا بالعرب محسود
وبه الناس لنا ضامت وبه الناس منظامه





وينقص بعضنا خوه وينقصنا وفاء وعهود
مدام ان الحسد باقي وبعض الناس نمامه





لاترجي بها الدنيا من ربوعك يجيك سنود
ولا تشره على رجل عيونه خانت اقدامه





وقابل خطوه بخطوه وجازي بالصدود صدود
تناسى غلطة الصاحب عليك بلحظة اخصامه





ولا تخطي ترى لصبر الحليم إليا سلاك حدود
تروي واعرف بضرب الحديد تفك الحامه




تجنب كسرة الخاطر ولو حبل الزعل مشدود
تراك بكسرة الخاطر حكمت القلب بعدامه




ولا تزعل على رجل بذل لك ولرضاك جهود
ولا تامن من الحاسد رضاه ورفقة ابهامه




نبي نصبر على الدنيا قلوب بالحياه زهود
مدام ان البخت عيت توقف رمعة اسهامه




وانا ماقلتها راجي ولا اطلب لها مردود
ولكن الفتى وده يحقق جملة احلامه




وبمشي لأخر الدنيا ولو كل الانام اقعود
وعن وجه الزمن بكشف الحقيقه وارفع إلثامه

attach]623[/attach]