من رباعيات ديوان الرباعيه الاولى لاحمد الهمامى
من رباعيات ديوان الرباعيه الاولى لاحمد الهمامى
يا نــــــــور الـــغد هو الغـد جاي إمتى؟
وإذا كـــــــان هـــييجي تقدر عليه إنتَ؟
من غير جميله إزاي تكمل المشوار؟!
دي هــــــــــــــي قـوتك ونعمل استفتا
وآه
إنســــــان .. يا إنســــــان .. يا غلبان
بتعيش حياتك غريب وبتموت مـــهان
كيف تاكل السمك والطير والحيوانات
وفـ نهـــــــــايتك يكـــلك الدود الجعان
وآه
أنا لــــــــــيـــا أب وأب يعنــــــي أبـين
واحد ربــــاني ورعــاني والتـاني مين
الأولاني خدت اسمه ورسمه وطباعه
والتاني هو أســــتاذي وحبيبي جاهين
وآه
المظــــــاهره ماشــــيه يا بني وملكش دعــوه بيــها
لا تخــــــش فيــها ولا تقول كفايه ولا تعـدي جنبيــها
وامشــــــــي زي أبــوك جنب الحيطـان وفي السلـيم
لا تقول غلــط ولا تشتكي أما البلد فليها رب يحميها
وآه
بــــــلــــبل وطــــاير في الســـما بيغني
بيقول يا ليل ويقول يا عين علــى فنـي
بس جــــمهوره فوق السحاب محــدود
إمـا الطـــــيور إما النجوم يا إمـا جني
وآه
أنا حـــــلقي جف وريقي ناشــف
أنا نظــري ضاع مابقتش شـايف
معقــــــــــول صبحت أنا الإنسان
تـرس في آله ويا ريتني عــارف
وآه
حمــــــــــار وحاسب نفسه على البقر
عشـــــــان مـــا ياكل معاهم هبر هبر
نساه غباؤه إن الحمار بيتركــب وبس
أما البـــــــقر بيسمنوه لجــل ما يتنحر
وآه
حاسب م الموت واعمل له 1000 حساب
دا حــــــقيقه مذكوره ومكتوبه في كـل كتاب
لو جــــــــــــِه أوانه مـــين اللي هيـــقوله لأ
وساعــــــتها عَمَـلَك رفيقك للجنه أو للعذاب
وآه
ضـــــريح لست وقـــالوا عنها مـــبروكه
واللي تزورها تلقى كل عقادها مفــكوكه
أنــــا روحـــت أزورها ودعــيت وقـــلـت
يا رب خــــــايفه تبــقى الست مســكوكه
وآه
يــــــاما صادفت في سكـتي خوازيق
وصادفت برضـه عــصافير وزقازيق
عــــــــــرفت دُول وعـــــــاشرت دُول
بس الـــــــمهـــم إنـي فهمت الطريق
وآه
الكـــــــــــــــون دا كله أنا لــيا حــق فــيه
مــــــش بس وطــني الـلي اتولدت علـــيه
أنــــــــا ليا حـــق في كل شبر في الدنــــيا
ومعرفش حبسني في الحدود عشان ايه؟
وآه
ميـــــــــــن اللي ماسمعش عنك أو شـاهد إنجازاتك
يا ســـــــادات يا سابق عصرك ياللي خسرنا بمماتك
وحتى لو قالوا إنك غلطْت كتير مين اللي مغلطشي؟
واهُـــــه جِه أوان واللي عادوك أهُم حلفوا بحيـاتك
وآه
فــــــــوق الجبل مــن أعـــلى نقـــطه
شوفت النجوم والسدوم ولمحت قطه
يا هـــل ترى مين اللي رمـــاها هـنا
هربــــانه من كلــب ولا جايه غلـطه
وآه
|
العرض العادي
المواضيع المتشابهه
