جيتك..
جيتك مثل جية سنيني العابرة والذكريات الباقية..وأطول خطوط الإنتظار الساهرة..مثل المطر جيتك وله ولين الفجر أطبع بهامات الفخر اسمك على أقرب دريشه أو نافذة مو مشكلة..وبعد الفجر جيتك أشد من الوله ليت إللي أشوفه يذكرك أوأذكرك له..مدري يريحني الحكي أو تنطفي نار الوله!!عمر الوله ماينطفي في داخلي..حتى ولو كانت دموعي تنذرف في كفتك أو أبكي على صدرك وأحس بدفوتك..ماينتهي أو ينطفي دام الوفا في داخلي..مثل الرياح إللي تهب بغربتك جيتك أنا ويمكن أشد بقوتي شوق ومحبة والوله..خلني أقربلك وأعلمك شنهو المحبة والغلا:شيء تحس فيه في غفوتك..في طلتك..في وحشتك..في جمعتك ويا الأهل..في غربتك..في مشربك وبمأكلك..شيء يغربلك حياتك..شيء عايش وماتعيش بحضرته!!قل لي أقربلك بعد؟؟ ما شك يغمضلك جفن!أو تندفن فيك المشاعر أو أحكي إحساسي تعب!!ما قلت ما أحس بدفوتك بس قلت ساعات يوصلني البرد.. لا تنخدع ناس تقل لك أعشقك!!ولا تنحسب فيها المحبة والعشق..بس حس بإحساسي أنا!! مثل الطفل أبكي إن قلت لي شيء يعكر صفوتي!ومثل الطفل نومي يتم بكلمة منك!ومابقى عندي حكي!! تبي تصدق..أكون لحضرتك شاعر يسطرلك حكي!!ما تصدق خل الرياح إللي تجيلك تنفعك..
|
العرض العادي
المواضيع المتشابهه
