توك صغيره وابتديتي!!
توك صغيـره وابتديتـي تحبيـن
من علمك ليل السهـر ياصغيـره
بدري عليك العشق يابنت هالحيـن
حــرام هذا القلب وشهـو مصيـره
انتي بريئه في الهوى ليه تشقيـن؟
صدماته لقلبـك تراهـا خطيـره
عيشي الطفولة واتركي الحب بعدين
وادروبه طوال عليـك وعسيـره
الشوق يفضح لاانكشف داخل العين
وانتي بنفسك ماهقيتـك بصيـره
إن كان قصدك بالمحبـة تسليـن
بالعكس بتشوفيـن هـمّ وحيـره
الحب قبلك هـز نـاس كثيريـن
خلاّ القلوب تعيش خوف وغيـره
طيعي كلامي واحذري لاتماديـن
تراجعي لعل فـي الأمـر خيـره
عيشي الطفولة والبراءة لك سنيـن
وبعدين حبـي لاغديتـي كبيـره
|
العرض الشجري
المواضيع المتشابهه
