السلام عليكم ورحمة الله وبركاته
اسمح لي أخي الكريم بهذه المداخلة البسيطة لتوضيح وجهة نظري ..
أنا أرى أن زحمة الباصات كان زمان الاول أما الحين فوجود مثل هذه الظاهرة هو شيء نادر جدا
يعني أنا أشوف أن الوزارة ما مقصرة موفرة باصات كافية للطلبة والطالبات يعني مثلا منطقتنا يوجد لها أكثر من أربعة باصات لنقل الطالبات تخيلوا لكل مرحلة باص أو باصين(أنا اشوف ان هذا شيء طيب)
وكلامي هذا مقتصر على محافظة مسقط ومناطقها لان وبصراحة لاعلم لي بما يحدث في المحافظات والمناطق الاخرى..وبعدين إحنا الحين صرنا في أيام تزداد فيه الباصات الخاصة والسيارات الخاصة والسيارات الشخصية بعد .. لدرجة في مدرستنا لاحظت أكثر من طالبة تروح المدرسة وترجع بسيارتها ولا بعد تاخذ زميلاتها معاها .. أنا اقصد ان عدد الطلبة الي ينتقلون بالباصات بدء بالتناقص ..
من جهة أخرى استغرب لمن يطالبون بوضع أجهزة تكييف في الباصات الحكومية ...ههههه وين إحنا عايشيين..لازم تاخذون كورس في القناعة (القناعة كنز لايفنى) حرام عليكم تحملون هالوزارة المسكينة فوق طاقتها كل شي بحدود يا ناس ياعالم إفهموا شوي ..
جالسين تطلبون وتطلبون ..إحمدوا ربكم الحكومة مامقصرة مدارس حكومية موجودة والبعض قيد الانشاء ومع باصاتها وببلاش.. كتب بدون فلوس صفوف مكيفة ومختبرات مصادر تعلم ومقصف فيه أشهى المأكولات ..

أما بالنسبة للحوادث الي تصير للباصات فالسبب غالبا يرجع للطلبة أنفسهم شوفوا كيف الربشة والفوضى الي يسوها أكيد السائق راح يتشتت ويفقد التركيز ..مما يؤدي للحوادث ..لكل فعل رد فعل (قانون نيوتن)
أما اذا كان الحادث بسبب خلل في الباص فهذا جائز حتى السيارات الفخمة ممكن تتعطل (عادي جدا)..
أنا اشوف ان المصيبة لما الادارة تطلب التبرع من اولياء الامور ..تصير سالفة كبيرة هذا يرفض وهذا يبخل والي يستهزء والي يتجاهل والي يروح يشتكي وغيرهم الي يكتب بالجرائد والمنتديات وفي النهاية صندوق التبرع ما فيه أكثر من خمسة ريالات ....وبعد فترة نحصل اولياء الامور يصارخون ويشتكون للادارة ليش مامسوين كذا وليش ماشي هذا وذاك وولدي يريد هذا وانتوا عطيتوه هذاك وسوالف كلها شكاوي وبلاوي...
يعني وين اهتمام اولياء الامور في تقديم يد المساعدة ولا يعني يريدوا كل شي جاهز وعلى صحن من ذهب ..ياناس لو الكل صار يد وحدة راح تنحل كل المشاكل ..
السموحة يا اخوان يمكن كلامي ما يعجبكم بس هذا رايي بصراحة وشفافية
والاختلاف في الراي لايفسد بالود قضية